Krev erstatning frå kommunen

Hareid kommune er saksøkt av eit tidlegare barnevernsbarn.

Vedkomande, som no er vaksen, krev erstatning for personskade og økonomisk tap, som følgje av forsøming frå barnevernet si side.

– Vi meiner barnevernet i Hareid kommune i første omgang må ta ansvar, så kan erstatninga bli fastsett på eit seinare tidspunkt.

Det seier prosessfullmektig for saksøkjaren, advokatfullmektig Isabel Carreno Engeset.

Sidan 2014 har Hareid vore med i den interkommunale barneverntenesta, saman med kommunane Ulstein, Volda og Ørsta. Seinare har også Sande kommune kome med. Volda er vertskommune.

Prosessfullmektig for Hareid kommune, advokat Sverre Larhammer, ønskjer førebels ikkje å kommentere søksmålet som no skal behandlast i tingretten.

– Eg må først få diskutere med min klient, Hareid kommune, om og eventuelt kva vi skal seie om denne saka, seier Larhammer.

Begge partar kjem til å kalle inn vitne når Møre og Romsdal tingrett skal behandle saka.

Rettssaka startar 6. februar og skal etter planen vare i fem dagar.

Kilde: https://www.smp.no/nyheter/i/O86d5O/krev-erstatning-fraa-kommunen

Comments

comments